Emmy Vox yaririmbanye n’umubyeyi we mu gitaramo cyaranzwe n’amashimwe (Amafoto)

Ni igitaramo cya mbere cya Emmy Vox cyiswe “amateka” cyabereye muri Camp Kagali mu ijoro rya tariki 1 Nzeri 2023, cyari kiyobowe n’umukinnyi wa sinema Bahavu Jeanette n'umugabo we Fleury Legend.

Kuva ku ndirimbo zaririmbwe kugeza ku ijambo ry’Imana ryatambukijwe muri iki gitaramo, byose byari byiganjemo ubutumwa bugaruka ku bitangaza Imana ikora.

Prophet Ernest Nyirindekwe wabwirije muri iki gitaramo yagarutse ku butumwa bwanditse muri Yesaya 14:24, ahanditse hati “Uwiteka Nyiringabo ararahiye ati ‘Ni ukuri uko nabitekereje ni ko bizasohora, kandi uko nagambiriye ni ko bizaba’.”

Uyu mubwirizabutumwa yanagarutse ku magambo yanditse muri Yeremiya 1:5 hagira hati “Nakumenye ntarakurema mu nda ya nyoko kandi nakwejeje utaravuka, ngushyiriraho kuba umuhanuzi uhanurira amahanga.”

Umubyeyi wa Emmy Vox yashimiwe ku butwari yagize

Ubwo iki gitaramo cyari kigeze ku musozo Emmy Vox yahamagaye umubyeyi we mu rwego rwo kumushimira , abitabiriye igitaramo nabo bahagurukira hejuru bavuga ko ari intwari.

Emmy Vox yavuze ko umubyeyi we yamubereye intwari amutoza gusenga akabikurana kugeza uyu munsi.

Ati “Uyu mubyeyi mubona yambereye intwari. Yarandeze arankuza abifashijwemo n’Uwiteka, antoza gusenga. Nterwa ishema no kuba mufite. Rimwe na rimwe mbura amagambo nabivugamo.”

Uyu muhanzi umaze imyaka itatu muri muzika yaririmbanye n’umubyeyi we indirimbo yise “Amateka" iri mu zakoze benshi ku mutima.

Uyu mubyeyi na we yagize icyo avuga muri iki gitaramo agaruka ku rugendo banyuzemo mu myaka irenga 24 ishize.

Ati “Nshima Imana kuba uyu munsi tuwugezeho. Twari tuwutegerezanyije amatsiko kuko twarawusengeye. Narasenze uko nshoboye mbwira Imana nti ‘uyu munsi ugaragare.”

Uyu mubyeyi yakomeje ku mateka banyuzemo avuga ko byose biba mu mugambi w’Imana.

Ati “Amateka yo murayazi, mwagiye muyumva mu biganiro bitandukanye, ni ibintu byinshi byatubayeho bibi cyane byashakaga ubuzima bwacu.”

Inkuru ya Emmy Vox iri muzakoze benshi ku mutima bitewe n’ubuzima yanyuzemo kugeza uyu munsi amuritse album ye ya mbere igizwe n’indirimbo icyenda.

Ababishoboye batahanye amashusho azahora abibutsa ibihe byiza bagiriye muri iki gitaramo

Ababyeyi bakozwe ku mutima n'ubuhamya bwatangiwe muri iki gitaramo

Abaririmbyi Vestine na Dorcas bitabiriye iki gitaramo cya mbere cya Emmy Vox

Ni igitaramo Emmy Vox yamurikiyemo album ye ya mbere

Peace Hoziane ni umwe mu bafashije Emmy Vox kuririmba zimwe mu ndirimbo zigize album ye ya mbere

Prophet Ernest Nyirindekwe niwe wabwirije muri iki gitaramo

True Promise Ministries ni bamwe mu baririmbye muri iki gitaramo.

Ubwo iki gitaramo cyari kirangiye Benimana Ramadhan uzwi nka [Bamenya] yaboneyeho umwanya wo gusuhuza Prophet Ernest Nyirindekwe

Mugisha Emmanuel [Clapton Kibonge] n'umugore we Umutoni Jacky

Uwanyana Assia , Umugore wa nyakwigendera Pasiteri Niyonshuti,yitabiriye iki gitaramo

Umubyeyi wa Emmy Vox yavuze ko umugambi w'Imana uretse uko umuntu atekereza

Umuramyi Israel Mbonyi yishimiwe cyane muri iki gitaramo

Umuramyi Chritian Irimbere nawe ufite igitaramo cye cya mbere muri Nzeri yashimiye mugenzi we ubashize kugera kubyo yafataga nk'inzozi

Umuririmbyi Peace Hoziana witabiriye East Africa's Got Talent ni umwe mu bitabiriye iki gitaramo cya mbere cya Emmy Vox

Uyu munsi Emmy Vox ni umwe mu baririmbyi bashya bagezweho muri muzika yo kuramya no guhimbaza Imana.

Wari umwanya mwiza wo kongera kwiyunga n'Uwiteka

Alex Dusabe yatunguranye muri iki gitaramo

Aline Gahongayire yanejejwe n'ubutumwa bugize indirimbo zaririmbwe mu gitaramo cya mbere cya Emmy Vox

Amashimwe ni yose kuri Emmy Vox n'umubyeyi we

Amashimwe yari yose no ku bitabiriye iki gitaramo cya mbere cya Emmy Vox

Bahavu Jeannette niwe wari uyoboye iki gitaramo

Benshi baboneyeho umwanya wo gushima Imana yabahinduriye amateka

Ben na Chance baririmbanye na Emmy Vox bamubwira ko bamuri hafi

Benshi batashye bari mu mwuka wo guhimbaza Imana

Bosco Nshuti yishimiye gushyigikira Emmy Vox wamuritse album ye ya mbere y’indirimbo icyenda

Dusabimana Emmanuel [Emmy Vox] yashimiye Israel Mbonyi wemeye kumushyigikira muri iki gitaramo cye cya mbere

Emmy Vox yaririmbanye n’umubyeyi we mu gitaramo cyaranzwe n’amashimwe ku mana yababaye hafi mu bihe bigoye

Emmy Vox yashimiye umubyeyi we wamutoje imico myiza no kumenya Imana ubu akaba ari umwe mu baririmbyi bashya bagezweho muri muzika yo kuramya no guhimbaza Imana.

Emmy Vox yishimiye gutaramana na Israel Mbonyi umuhanzi avuga ko afatiraho icyitegererezo

Emmy Vox yishimiye kugera kuri bimwe mu byari inzozi kuri we, akora igitaramo cye cya mbere

Fleury Legend n'umugore we Bahavu Jeannette ni bamwe mu bagize uruhare mu mitegurire y'iki gitaramo

Fleury Legend yashimiye Emmy Vox wari umaze kugera ku nzozi ze zo gukora igitaramo cye cya mbere

Francis Iraguha benshi bamenye nka Francis Zahabu muri sinema no kumurika imideli yanyuzwe n'ubutumwa bwatangiwe muri iki gitaramo

Imitima ya benshi yasize itanze ishimwe ku Mana

Indirimbo n’amagambo byumvikanye muri iki gitaramo byagarutse ku mashimwe ku Mana yabaye hafi uyu musore kuva akiri umwana avukira muri Gereza i Lubumbashi

Israel Mbonyi ni umwe mu banyuze imitima y’abitabiriye iki gitaramo.

Indirimbo zaririmbwe muri iki gitaramo zagarutse ku butumwa bushimira Imana ku byiza ikomeje gukorera abayubaha

Josh Ishimwe uheretse gukora igitaramo cye cya mbere yise 'Ibisingizo bya Nyiribiremwa' yashyigikiye mugenzi we nawe wari uri kwandika paji nshya muri muzika amazemo imyaka itatu

Amafoto : Kasiro Claude