{Jennifer Lopez yatandukanye n’umukunzi we bari bamaranye imyaka igera kuri ibiri n’igice babana nk’uko tubikesha ikinyamakuru TMZ cyo muri Leta Zunze Ubumwe za Amerika.}

Iki kinyamakuru cyatangaje ko umuntu wa hafi y’aba bombi, yavuze ko hashize amezi agera kuri abiri batandukanye ariko bahisemo kubigira ibanga rikomeye.

Uyu muntu ngo yakomeje atangaza ko batandukanye ku bwumvikane bwabo ndetse ubu buri wese ari kuba ukwe.

Jennifer Lopez yakundanye na Casper Smart mu gihe yari asanzwe ari umubyinnyi we. Uretse kuba uyu musore yarabyiniraga Jennifer, hanazwi ko ari umwana kuri we kuko mu gihe Jennifer yavutse mu mwaka w’1969, Casper we yavutse mu 1987 ni ukuvuga ko Jennifer arusha Casper imyaka 18 y’amavuko.

Si Casper Smart wabanye na Jennifer bwa mbere kuko yigeze gushakana n’abandi bagabo ariko bagatandukana. Harimo Marc Anthony, Cris Judd, Ojani Noa.