Minisitiri Acacia Bandubola yasanganywe iki cyorezo nyuma y’amasaha 48 agaragaje ibimenyetso byacyo. Umwe mu bagize guverinoma yatangaje ko “Yapimwe basanga arwaye, ibisubizo bye byatangajwe mu gitondo. Kuva ubwo, we n’umufasha we bahise bashyirwa mu kato kimwe n’umuyobozi mukuru wungirije.”

Mbere y’uko uyu Minisitiri asanganwa iki cyorezo, umuyobozi mukuru wungirije muri iyo Minisiteri akaba na musaza we yari yasanzwemo coronavirus ku wa 17 Werurwe 2020. Akaba ariwe muntu wa Karindwi Minisiteri y’Ubuzima yari yemeje ko agaragaweho n’iyi ndwara, binakekwa ko ashobora kuba ariwe wayanduje Minisitiri.

Ibi kandi bisobanuye ko abayobozi bakuru b’iki gihugu bagomba kuryamira amajanja bitewe n’uko uyu Minisitiri aheruka kwitabira inama iheruka y’Abaminisitiri yanitabiriwe na Perezida Félix Tshisekedi.