Muri iri rushanwa ryabaye ku Cyumweru, Umunya-Kenya Sabastian Sawe yakoreyemo amateka yo kuba umugabo wa mbere wirutse marathon [ibilometero 42] munsi y’amasaha abiri, akurikirwa n’Umunya-Ethiopia Yomif Kejelcha na we wasoje isiganwa munsi y’amasaha abiri.

Umuyobozi Mukuru wa London Marathon Events, Hugh Brasher, yavuze ko batewe “ishema no gushyiraho umuhigo mushya muri Guiness des Records.”

Mu cyiciro cy’abagore bakoresheje ibihe biri munsi y’amasaha abiri n’iminota 16 ku nshuro ya mbere, isiganwa ryegukanywe n’Umunya-Ethiopia Tigst Assefa waryisubije ndetse akuraho agahigo yari asanganywe.

Abantu 59.830 ni bo basoje London Marathon yabaye ku Cyumweru
London Marathon yatambutse kuri New York City Marathon mu marushanwa yasojwe n'abantu benshi
Tigst Assefa wo muri Ethiopia yegukanye isiganwa mu bagore