Minisitiri w’Ubuzima, Dr Sabin Nsanzimana, yabwiye mugenzi we wo muri Minisiteri ya Siporo, Rwego Ngarambe, ko azamwereka igihandure mu Irushanwa Mpuzamahanga ryo Gusiganwa ku Maguru rya “Kigali International Peace Marathon” riteganyijwe tariki ya 13 n’iya 14 Kamena 2026.

Niyonkuru Florence na Imanizabayo Emeline, kuri ubu bari mu bakinnyi bahagaze neza mu Banyarwandakazi basiganwa ku maguru, ntibazakina Irushanwa Mpuzamahanga ryo Gusiganwa ku Maguru rya “Kigali International Peace Marathon” riteganyijwe tariki ya 14 Kamena 2026.

Ishyirahamwe ry’Imikino Ngororamubiri mu Rwanda (RAF) ryashyize hanze urutonde rw’abakinnyi 14 batoranyijwe mu Ikipe y'Igihugu y’u Rwanda izakina Kigali International Peace Marathon ya 2026.

Umunyarwandakazi Niyonkuru Florence yegukanye umudali wa Feza muri Shampiyona Nyafurika y’Imikino Ngororamubiri ikomeje kubera i Accra muri Ghana, aho yabaye uwa kabiri mu gusiganwa metero ibihumbi 10.

Ishyirahamwe ry’Imikino Ngororamubiri mu Rwanda (RAF) ryatangaje ko Marathon Mpuzamahanga ya Kigali y’uyu mwaka izaba yihariye, aho izaba iminsi ibiri, tariki ya 13 n’iya 14 Kamena 2026.

Imanizabayo Emeline yegukanye umudali wa Zahabu muri Shampiyona Nyafurika y’Imikino Ngororamubiri iri kubera i Accra muri Ghana, uba uwa mbere u Rwanda rutwaye muri iri rushanwa mu cyiciro cyo gusiganwa metero 5.000 mu bagore.

Imigabane ya Sosiyete ya Adidas ikora imyambaro n’ibikoresho bya siporo yazamutseho 1,5% nyuma y’uko Umunya-Kenya, Sabastian Sawe, akoze amateka yo kwiruka Marathon y’ibilometero 42 mu gihe kiri munsi y’amasaha abiri yambaye inkweto yakozwe na yo.

Marathon ibera i Londres mu Bwongereza yaciye agahigo ko kurangizwa n’abantu benshi, aho abagera ku 59.830 bayisoje bituma barenga abantu 59.226 basoje isiganwa ryo ku maguru ryabereye muri New York City mu mwaka ushize.

Umunya-Kenya Sebastian Sawe ukina umukino wo gusiganwa ku maguru, yakoze amateka yo kwiruka Marathon y’ibilometero 42 mu gihe kiri munsi y'amasaha abiri.

Umunya-Uganda Jacob Kiplimo yisubije agahigo ko ku rwego rw’Isi mu gusiganwa igice cya Marathon, ubwo yatsindaga isiganwa ryo ku maguru ryabereye i Lisbon muri Portugal ku Cyumweru, tariki ya 8 Werurwe 2026.

Abakinnyi batatu banyujijwe mu nzira itari yo ubwo bari bayoboye mu gusiganwa ‘Half Marathon’ yo muri Leta Zunze Ubumwe za Amerika bazahabwa impozamarira ingana n’ibihembo by’abatsinze irushanwa.

Umunyarwanda ukina umukino wo gusiganwa ku maguru, Hakizimana John, yahangaye n’Abanya-Ethiopia yegukana umudali w’Umuringa mu isiganwa rya Dubai Marathon.

Abakina umukino wo gutwara amagare yagenewe abafite ubumuga batangaje ko bishimiye umwanya bahawe mu irushanwa ritegurwa n’Akarere ka Huye ryiswe ‘Huye Half Marathon’, kuko bibafasha kwishima no kumva badahejwe.

Umutoza w’imyitozo ngororamubiri, Kagorora Phocas, yifashishije itsinda akorana na ryo rya "Onzestar", yaciye agahigo ku rwego rwa Afurika ko kumara amasaha 11 akoresha imyitozo ya “aerobics workout step” nta guhagarara.

Umunyarwandakazi Niyonkuru Florence wa Sina Gérard A.C mu bagore, yegukanye Umudali wa Zahabu muri Lyon Half Marathon yaberaga mu Bufaransa.

Botswana yatanze ikiruhuko mu gihugu hose nyuma y’uko yegukanye umudali wa Zahabu muri Shampiyona y’Isi yo gusiganwa ku maguru iri kubera i Tokyo, mu cyiciro cy’abasiganwa metero 400.

Nsabimana Jean Claude wa APR A.C mu bagabo na Niyonkuru Florence wa Sina Gérard A.C mu bagore, bitwaye neza mu gusiganwa metero ibihumbi 10 muri Shampiyona y’Igihugu y’Imikino Ngororamubiri yabereye muri Stade Amahoro ku wa Gatandatu, tariki ya 19 Nyakanga 2025.

Umunya-Kenya Ruth Chepngetich ufite agahigo ko ku rwego rw’Isi mu gusiganwa Marathon mu bagore, yahagaritswe by’agateganyo mu mukino wo gusiganwa ku maguru kubera gukoresha imiti igabanya amatembabuzi mu mubiri.

Ishyirahamwe ry’Imikino Ngororamubiri mu Rwanda (RAF) ryateguye Shampiyona y’Igihugu “Rwanda National Track & Field Championships” izabera muri Stade Amahoro ku wa Gatandatu, tariki ya 19 Nyakanga 2025.

Umunyamabanga wa Leta muri Minisiteri ya Siporo, Rwego Ngarambe na Guverineri w’Intara y’Iburasirazuba, Pudence Rubingisa, bari mu bitabiriye isiganwa ryo ku maguru rya “20Km de Bugesera” ryabaye ku Cyumweru, tariki ya 29 Kamena 2025.