Umuryango Inteko Izirikana ugamije kumenyekanisha amateka, umuco n’ururimi by’u Rwanda wizihije imyaka 20 umaze ubayeho, hishimirwa uruhare wagize mu kumenyekanisha ubukungu buhishe mu murage w’u Rwanda.

Umukozi Ushinzwe kubungabunga Umurage muri Minisiteri y’Ubumwe bw’Abanyarwanda n’Inshingano Mbonergagihugu [MINUBUMWE], Mutangana Steven, yavuze ko hamaze gutangwa ubusabe bwo kwandikisha Ubutore nk’umurage ndangamuco w’u Rwanda udafatika ku rwego rw’Isi.

Umurage w’amateka ukubiyemo amabango y’umuco w’abantu bari hamwe uko ibisekuruza bigenda biha ibindi, ukaba ikirango kibumbatiye ubuhanga, imibereho n’ubuhangange byabo.

Abarimo King James, Isimbi Alliance (Alliah Cool), Ruti Joël, Umuyobozi Mukuru w'Inteko y'Umuco, Amb.Robert Masozera bari mu banyuzwe n’amafunguro ndetse n’ibinyobwa bya Kinyarwanda byagaragaye mu gitaramo "Intango Cultural Night".

Kuva na kera mu muco n’amateka y’u Rwanda, abakurambere mpangarwanda bitaga izina ry’umuntu, ikintu cyangwa ahantu, bitewe n’impamvu zitandukanye. Zimwe zabaga zishingiye ku bihe babaga barimo, haba mu iremwa ry’igihugu cyangwa se iyubakwa ryacyo.

Umuyobozi Mukuru w’Inteko y’Umuco, Ambasaderi Robert Masozera yashimiye urubyiruko umuhate n’ubushake rufite mu kubyaza umusaruro umurage n’umuco w’igihugu, kugira ngo biteze imbere.

Urugori, ni ikimenyetso gikomeye mu muco n'amateka y'u Rwanda gisobanura byimbitse intekerezo z'ibyo ababyeyi bashyingiye bifuriza abana babo.

Mu Nyanja ya Atlantique, ku bilometero 3,5 uvuye ku cyambu kinini cya Dakar muri Sénégal cyitwa Port de Dakar, ikirwa cya Gorée gifite amateka yakigejeje mu murage w’Isi. Abahatemberera ni benshi, Abanyasenegali n’abanyamahanga. Ubwo mperutse kugisura muri 2022 nahageze mpafitite amatsiko menshi.

Urubyiruko rw’u Rwanda rwashyiriweho amahirwe arufasha guhanga imirimo ishamikiye ku murage, umuco n’amateka ku buryo bidakomeza kuganzwa n’umuco w’amahanga.

Mu muco nyarwanda no mu gitabo cy’amategeko mbonezamubano y’u Rwanda, inkwano ifatwa nk’ishimwe rihabwa ababyeyi b’umukobwa kuko bareze neza.

{Ubwanditsi: Ibikubiye muri iyi nyandiko, ibitekerezo bwiye by’umusomyi Mutangana Steven }

Nyuma y’umwaka umwe u Rwanda rwakiriye imbyino n’indirimbo bisaga 4000 zakusanijwe n'Ababiligi mu rwego rw'ubushakashatsi guhera mu gihe cy'ubukoloni, byari bimaze imyaka myinshi mu nzu ndangamurage izwi nka Musée Royal de l’Afrique Central-Tervuren iri i Bruxelles, kuri ubu zirimo ziratunganywa ngo mu gihe cya vuba zimurikirwe Abaturarwanda.

Hamwe mu hantu ndangamurage ku Isi habangamiwe n’imihindagurikire y’ibihe. Ahenshi hugarijwe n’imyuzure, itwikwa ry’amashyamba n’itemwa ry’ibiti. Mu Rwanda hari ibiti birinzwe bifite amateka bikigaragara hirya no hono ku misozi ariko bihawe agaciro nk’uko n’ahandi bigenda byarushaho kugira akamaro mu guhangana n’ikibazo cy’imihindagurikire y’ibihe. Ibyo biti biraramba dore ko hari ibirengeje imyaka 300.

Inteko y’Umuco ku bufatanye n’Umuryango Ushinzwe kubungabunga umutungo mu by’umuco n’umurage (International Centre for the Study of the Preservation and Restoration of Cultural Property (ICCROM, bagiye gutangiza ikigo gishinzwe guteza imbere umurage n’umuco by’u Rwanda, bikabyarira inyungu ababikora.

Hirya no hino mu Rwanda hari ahantu havugwa mu mateka y’igihugu kubera impamvu zitandukanye. Hari ahabereye ibikorwa bidasanzwe, hatuwe cyangwa hakorerwaga n’abantu babaye ibirangirire kubera uruhare bagize mu mateka. Hari ahantu hafite ubwiza nyaburanga cyangwa undi mwihariko mu miterere karemano n’ahavugwa mu migani n’ibitekerezo bya kera.

Ibimanuka, ni izina ryabiciye bigacika mu myaka isaga 1322 (700-2022) rimaze ryadutse. Nubwo ari izina rirambye imyaka myinshi ingana kuriya, ariko ikibabaje ni uko kugeza ubu Abanyarwanda bakiribyiniraho urunyurane, kubera ko abashobora guhamya igisobanuro cyaryo cy’ukuri bari hafi ya nta bo!

Igihugu cy’u Rwanda cyagiye kigira abahanzi b’abahanga mu buryo bugaragara. Bakoraga mu muhogo wakumva imisusire y’imvange y’ijwi, ururirimbo n’amagambo, ukumva uranyuzwe pe! Icyo gihe ugasigarana ihurizo ryo kwibaza aho uwo muhanzi yakuye ubwo buhanga.

Umunyamabanga wa Leta muri Minisiteri y’Urubyiruko n’Umuco Bamporiki Edouard yijeje Abasizi Nyarwanda ko bagiye kwitabwaho kurushaho.

Urwego rw’Igihugu rw’Iterambere, RDB, rwagaragaje ko u Rwanda rufite icyizere ko Pariki y’Igihugu ya Nyungwe izaba umurage wa mbere mu Rwanda mu gushyirwa ku rutonde rw’umurage w’Isi.

“Nta n’umwe ufite uburenganzira bwo gusiba amateka y’Igihugu kuko igihugu kitagira amateka, ni nk’Isi itagira roho”, ayo ni amagambo yamamaye nk’ikirango cy’ikiganiro Archives d’Afrique gikorwa n’Umunyamakuru wa RFI, Alain Foka.