Amasezerano y’ibanze ku guhagarika intambara hagati ya Leta Zunze Ubumwe za Amerika na Iran yashyizweho umukono ku wa 17 Kamena, arimo ingingo yo gufungura inzira ya Hormuz yahungabanyije ubukungu bw’Isi, kubera ubwato amagana butwara ibicuruzwa birimo n’ibikomoka kuri peteroli bwabuze inzira.

Umuvugizi wa Guverinoma y’u Rwanda, Yolande Makolo, yatangaje Abanyafurika baraye mu byishimo by’uburyo Ikipe y’Igihugu ya Repubulika Iharanira Demokarasi ya Congo yanganyije na Portugal 1-1 ariko Perezida Tshisekedi agahitamo guherekeresha ibi byishimo ibitutsi no kuvuga ko yiteguye kujya kurasa mu Burasirazuba bw’igihugu cye.

Ikigo cy’Igihugu cy’Ibarurishamibare cyatangaje ko umusaruro mbumbe w’u Rwanda mu gihembwe cya mbere cya 2026 wageze kuri miliyari 6.346 Frw, uvuye kuri miliyari 5.276 Frw mu gihembwe cya mbere cya 2025, bingana n’izamuka rya 10%.

Minisitiri w’Imari n’Igenamigambi Yusuf Murangwa, yatangaje ko umushinga w’imidugudu y’icyitegererezo wari umaze iminsi ushyirwa mu bikorwa n’Ikigo cy’Igihugu Gishinzwe Guteza Imbere Imiturire wabaye uhagaritswe kugira ngo uvugururwe kuko hari igihe hubakwaga inzu ariko bikagaragara ko atari zo abaturage bari bakeneye.

Minisitiri w’Imari n’Igenamigambi, Yusuf Murangwa, yagejeje ku mitwe yombi y'Inteko Ishinga Amategeko umushinga w’ingengo y’imari y’u Rwanda ya 2026/2027 izaba ingana na 7796,3 Frw, arimo arenga 62,9% yagenewe iterambere ry’ubukungu.

Urwego rw’Igihugu rw’Iterambere RDB, rwatangaje ko amaduka, ibigo bikorerwamo ubucuruzi bunyuranye birimo restaurant utubari n'utubyiniro bizemererwa gukora kugeza saa Cyenda za mu gitondo kuva ku wa Mbere kugeza ku wa Kane, mu gihe kuva ku wa Gatanu kugeza ku Cyumweru no mu minsi y’ibiruhuko rusange bizajya bigeza saa Kumi za mugitondo.

Ingengo y’Imari ya Leta y’umwaka wa 2026/2027 yageze kuri miliyari 7.796,3 Frw, bingana n’izamuka rya 12% ugereranyije n’iy’umwaka uheruka yari 6.952,1 Frw mu ngengo y’imari ivuguruye y’umwaka wa 2025/2026.

Ingingo yerekeye amashuri abana b’u Rwanda bigamo ni imwe mu zisa n’izakemutse kuko muri buri kagari usangamo ibigo by’amashuri abanza nibura bibiri, buri mudugudu bakagira irerero, ibituma abana bose batangirira kwiga ku gihe nubwo hatabura abayacikirije mu bihe byashize bashobora kujya kwiga ari bakuru.

Minisitiri w’Intebe, Dr Nsengiyumva Justin, yatangaje ko abantu badakwiye gukomeza gutekereza ishyirwaho ry’umushahara fatizo, ahubwo ko hakwiye gushyirwa ingufu mu kongera umusaruro kuko umukoresha wabonye umusaruro mwinshi na we nta kabuza yongera umushahara w’abawumugejejeho.

Minisitiri w’Intebe, Dr Justin Nsengiyumva, yatangaje ko umubare w’abantu bakoresha bisi zitwara abagenzi mu buryo bwa rusange wiyongereyeho 15%, nyuma y’ingamba Leta yafashe zigamije koroshya ingendo no kugabanya ingaruka z’izamuka ry’ibiciro by’ibikomoka kuri peteroli.