Gómez akurikiranyweho gukoresha umwanya afite nk’umugore wa Minisitiri w’Intebe, Pedro Sánchez, kugira ngo afashe ibigo bimwe kubona amasoko binyuranyije n'amategeko.

Icyakora we ahakana ibyo aregwa, akavuga ko nta makosa yakoze.

Kuri uyu wa 20 Kamena 2026, umucamanza ugenza ibyaha, Juan Carlos Peinado, yategetse Gómez gutanga pasiporo ye, amubuza gusohoka muri Espagne ndetse amusaba kujya yitaba urukiko kabiri mu kwezi.

Iki kibazo kiri mu ruhererekane rw’amadosiye ya ruswa amaze igihe akurikiranwa muri Espagne, akaba akomeje gushyira igitutu kuri Sánchez n’ishyaka rye rya Gisosiyalisiti.

Abandi bantu ba hafi ye barimo bamwe mu bayobozi bakuru b’ishyaka rye ndetse n’uwahoze ari Minisitiri w’Ubwikorezi, na bo bari gukorwaho iperereza ku birego birimo kwakira indonke mu masoko ya leta.

Nubwo Sánchez ubwe nta cyaha aregwa, yavuze ko ibi birego biri mu mugambi wa politiki ugamije kumuhirika ku butegetsi.