Jenoside yakorewe Abatutsi muri Mata 1994 ni umugambi w’igihe kirekire wacuzwe ndetse ushyirwa mu bikorwa na Guverinoma y’u Rwanda yariho ndetse n’ingabo zayo.

Jenoside yakorewe Abatutsi hagati ya Mata na Nyakanga 1994 yashobotse kubera ko inzego zose zaba iza Leta ndetse n’abikorera zabigizemo uruhare. Iyi jenoside ntiba yarabaye iyo Inzego z’Ibanze zegereye Abaturage ziba zitaragize uruhare rugaragara mu kuyitegura no gukangurira abaturage kuyijandikamo ari benshi.

Jenoside yakorewe Abatutsi mu Rwanda mu 1994 si impanuka. Ntiyatunguranye haba ku Rwanda n’isi yose muri rusange. Jenoside yakorewe Abatutsi ni indunduro y’inzira ndende y’umugambi mubisha wa politiki wahuriweho n’Abanyarwanda n’abanyamahanga. Ubukoloni bw’Ababiligi na Kiliziya Gatulika by’umwihariko ni bo batangiye gutandukanya Abanyarwanda babazanamo ibyitwa amoko atari yarigeze abaho. Abanyarwanda bize mu mashuri ya Kiliziya Gatulika no mu Iseminari bakuriye muri iyo ngengabitekerezo ntibashobora kwitandukanya n’Abakoloni kugira ngo basigasire ubumwe bw’Abanyarwanda nk’umurage basigiwe n’abasokuruza.

Inshingano za Jandarumori y’ u Rwanda kwari ukurinda umutekano w’abaturage no gukora iperereza ry’ibanze kugira ngo hamenyekane abateza ibibazo no kubashyikiriza Ubushinjacyaha kugira ngo baburanishwe mu Nkiko. Aho gusohoza izi nshingano uko bikwiriye, Jandarumori yo ikaba yaragize uruhare mu gushyiraho gahunda zibasira, zikanakandamiza abari mu bwoko bw’Abatutsi no gushyigikira gahunda mbi zakwirakwizwaga n’abanyapolitiki b’intagondwa.

Abahoze ari ingabo z’u Rwanda (FAR) bagize uruhare runini mu itegurwa n’ishyirwa mu bikorwa rya Jenoside yakorewe Abatutsi, Umugambi wa Jenoside watangiye mu Kwakira 1990 urakomeza kugeza izo ngabo zitsinzwe muri Nyakanga 1994, ndetse waranakomeje no muri operasiyo zakurikiyeho, aho ingabo zatsinzwe zakomeje guhungabanya umutekano w’u Rwanda ziturutse aho zari zarahungiye muri Repubulika Iharanira Demokarasi ya Congo, kugeza n’ubu bamwe muri zo bari mu mutwe wa FDLR bakaba bakomeje ibikorwa bizwiho gukomeza umugambi wa Jenoside n'ibyaha byibasiye inyokomuntu mu Karere k'Ibiyaga Bigari.

Jenoside yakorewe Abatutsi mu myaka 30 ishize, kuva muri Mata kugera muri Nyakanga 1994, yabaye umusaruro w’imbuto mbi yabibwe n’abayobozi mu nzego za politiki n’iza gisirikare, ku isonga hakaba Perezida wa Repubulika, Jenerali Majoro Habyarimana Juvénal n’abambari be ba hafi ndetse n’umugore we Agathe Kanziga.

Ku munsi nk’uyu w’itariki ya 22 Mata mu 1994, Leta y’abicanyi yari ikomeje umugambi wayo mubisha wo gutsemba Abatutsi hirya no hino mu gihugu. Iyi nyandiko iragaragaza hamwe mu hantu hashoboye kumenyekana hiciwe Abatutsi kuri iyi tariki ya 22 Mata 1994.

Tariki ya 09 Mata mu 1994, Leta y’abicanyi yakomeje umugambi wayo mubisha wo gutsemba Abatutsi hirya no hino mu gihugu. Iyi nyandiko iragaragaza hamwe mu hantu hashoboye kumenyekana hiciwe Abatutsi tariki ya 9 Mata 1994.

Jenoside yakorewe Abatutsi yarateguwe, bigaragarira mu bikorwa by’ubwicanyi, amagambo y’urwango byayibanjirije, ariko by’umwihariko umugambi wa Jenoside ugaragarira mu buryo ubwicanyi bwatangiriye rimwe mu turere tunyuranye tw’u Rwanda, ubwicanyi busa, bwibasira abatutsi, abana, abakuze, abagore, abarwayi mu bitaro, mu nsengero na za Kiliziya, n’ahandi.

Raporo y’u Rwanda ku ruhare rw’u Bufaransa muri Jenoside yakorewe Abatutsi yerekanye ko u Bufaransa bwari buzi umugambi w’itegurwa rya Jenoside guhera mu 1990, butanga inkunga ku ishyirwa mu bikorwa ryayo.