Inzego z’umutekano mu Karere ka Ngoma zatangiye iperereza kugira ngo hamenyekane abantu basanze umugabo w’imyaka 42 iwe mu rugo bakamwica bamuciye ijosi ndetse n’ibindi bice by’umubiri we.

Ingabo z’u Rwanda zifatanyije na Polisi y’u Rwanda bahaye inka n’ihene abaturage 916 bo mu mirenge itanu yo mu turere twa Kayonza na Kirehe.

Umwana w’umuhungu wari ufite imyaka 11 wo mu Karere ka Rwamagana mu Murenge wa Kigabiro, yasanzwe mu mugozi yapfuye, bikekwa ko yiyahuye.

Urubyiruko 50 rwo mu Karere ka Kayonza rumaze gusarura arenga miliyoni 16 Frw mu buhinzi bw’ubwatsi bw’amatungo mu gihembwe kimwe, nyuma y’uko rubonye abakiliya benshi.

Ibyangombwa by’ubutaka ibihumbi 87.567 by’abaturage bo mu turere dutatu two mu Ntara y’Iburasirazuba turimo Kayonza, Kirehe na Nyagatare twakunze kurangwamo ibibazo bituruka ku masambu atari yanditswe n’abapfaga imbibi z’ubutaka, bimaze gukosorwa.

Urukiko rwisumbuye rwa Nyagatare rwaburanishirije mu ruhame abaturage babiri bo mu Karere ka Kayonza baguwe gitumo batetse kanyanga, ruhita runabakatira aho umwe yakatiwe gufungwa imyaka 3,6, undi akatirwa gufungwa imyaka irindwi.

Abagize Urugaga rw’Abagenagaciro b’umwuga mu Rwanda, IRPV, basabwe kugira uruhare mu kurwanya ingengabitekerezo y’urwango no gutanga umusanzu mu kurwanya abagoreka amateka y’u Rwanda bifashisha imbuga nkoranyambaga.

Urukiko rwisumbuye rwa Ngoma rwasubitse isomwa ry’urubanza Mukakibogo Veronique aregamo abaturage icumi abashinja kumutwarira ubutaka bakanga kubuvamo, rurwimurira ku wa 10 Nyakanga 2026.

Ikigo cy’Igihugu gishinzwe ubutaka cyatangaje ko cyatangiye kubarura ubutaka bwubatsweho imihanda, uburiho ibiyaga, imigezi ndetse na pariki, kugira ngo bihabwe ibyangombwa by’ubutaka (UPI) mu rwego rwo kwandika ubutaka bwose u Rwanda rufite.

Abaturage icumi bo mu Karere ka Ngoma mu Murenge wa Kazo, bajyanywe kwa muganga umwe ahita yitaba Imana nyuma yo gutaburura inka yari yishwe n’indwara y’ubuganga bakayirya ikabamerera nabi.