Raporo y’Ikigo cy’Igihugu cyo kubungabunga Ibidukikije (REMA) ku myuka ihumanya ikirere, yagaragaje ko mu gihe cy’imyaka 16 mu Rwanda imyuka ihumanya ikirere yavuye kuri toni miliyoni 2.395 igera kuri toni miliyoni 7.832.

Urwego rw’Igihugu rw’Ubugenzacyaha (RIB) rwatangaje ko umunyemari Habimana Noël uherutse gupfa bigateza impaka, yapfuye azize urupfu rusanzwe nyuma y’uko hari abakekaga ko ashobora kuba yarishwe.

Umuryango Health Builders ufatanyije na Minisiteri y’Ubuzima (MINISANTE) n’Akarere ka Rwamagana, byatangije ibikorwa byo kwagura no kuvugurura Ikigo Nderabuzima cya Muyumbu, mu mushinga uzatwara 485.000$ (arenga gato miliyoni 709 Frw).

Mu gihe ibiciro bidasiba kuzamuka harimo n’iby’ibikomoka ku buhinzi, hatangijwe uburyo bwo guhahira ibirayi ku ikoranabuhanga ryihariye rifasha abahinzi kubigurisha ku giciro cyagenwe kitabashyira mu gihombo kandi cyiyongeraho amafaranga make ku muguzi kuko nta nzira ndende bicamo.

Mu Cyanya cy’Ubuhinzi cya Gabiro (Gabiro Agribusiness Hub) hari gushyirwa mu bikorwa umushinga wo kuhira imyaka hifashishijwe mudasobwa.

Israel yatangaje ko yakuye u Rwanda na Kenya ku rutonde rw’ibihugu abaturage babyo babujijwe kuyinjiramo, kubera impungenge zari zatewe n’icyorezo cya Ebola cyagaragaye muri Afurika y’Iburasirazuba.

Ikigo cy’Igihugu gishinzwe Ibizamini n’Ubugenzuzi bw’Amashuri (NESA) cyagaragaje ko hakiri ikibazo kijyanye n’imyigishirize y’indimi mu mashuri abanza, aho abenshi badashobora gusobanukirwa ibyo basoma, ibigira ingaruka ku mitsindire yabo.

Guverinoma ya Tanzania yatangaje ko Ikibuga Mpuzamahanga cy’Indege cya Msalato kiri kubakwa mu Murwa Mukuru, Dodoma kizaba ari cyo kinini mu buso muri Afurika y’Iburasirazuba, kizatangira gukora muri Nzeri 2026, nyuma y’imyaka ine umushinga wo kucyubaka ushyirwa mu bikorwa.

Umugabo wari ugiye kugura amafunguro muri restaurant mu Mujyi wa Kigali, yishwe n’inyama yari yananiye uwari wayiguze undi yiyemeza kuyirya birangira imuhitanye.

Senyoni Alphonse wari umwe mu bari mu myanya ikomeye mu gisirikare cy’u Rwanda ubwo Jenoside yakorewe Abatutsi yari yegereje, yahishuye ibyabaye mu ijoro ryo ku wa 7 Mata 1994 ubwo indege yari itwaye Habyarimana Juvénal yari yaraye ihanuwe maze Col Bagosora Théoneste agahita yemezwa nk’umusimbura we ariko biza kumupfubana mu gihe gito.