MTN Rwanda yatangaje ko amafaranga yinjije mu gihembwe cya mbere cy’uyu mwaka yiyongereyeho 21,2% ugereranyije n’igihe nk’icyo mu mwaka ushize, agera kuri miliyari 81,4 Frw. Inyungu nyuma yo kwishyura imisoro yiyongereye kuri 466.6%, igera kuri miliyari 8,3 Frw.

Guhera kuri uyu wa Gatanu, ibihugu 53 bya Afurika byakuriweho umusoro n’u Bushinwa ku bicuruzwa byabyo byohereza muri iki gihugu, ibintu byitezweho kuzamura isoko ryabyo.

BPR Bank Rwanda yatangije gahunda nshya igamije guteza imbere abahinzi n’aborozi bo mu cyaro, aho muri iyi gahunda umuhinzi ashobora kubona inguzanyo y’agera kuri miliyoni 10 Frw itagira ingwate ndetse bakegerezwa n’ibikorwa by’iyi banki aho batuye.

Minisiteri y’Ubucuruzi n’Inganda (MINICOM) yasabye abacuruzi bo mu Rwanda kutazamura ibiciro by’ibicuruzwa mu buryo bunyuranyije n’amategeko, bitwaje izamuka ry’ibiciro by’ibikomoka kuri peteroli.

Ibiciro by’ibikomoka kuri peteroli byazamutse nyuma y’uko Perezida wa Leta Zunze Ubumwe za Amerika, Donald Trump, atangaje ko igisirikare cyabo cyarashe ubwato bwariho ibendera rya Iran.

Kuva intambara ya Iran yatangira, Isi yahombye miliyari 50$ nk’agaciro k’ibikomoka kuri peteroli bitatunganyijwe mu minsi irenga 50 iyi ntambara imaze.

Urujya n’uruza rw’ubwato bunyura mu muhora wa Hormuz rwatangiye kongera kwiyongera muri iki gitondo, nyuma y’uko Minisitiri w’Ububanyi n’Amahanga wa Iran atangaje ko iyi nzira yongeye gufungurwa, bijyanye n’agahenge k’imirwano muri Lebanon.

Ibiciro by’ibikomoka kuri Peteroli mu Rwanda byazamutse ku kigero kidasanzwe kubera ingaruka z’intambara ya Iran na Leta Zunze Ubumwe za Amerika. Ukoze isesengura, kuva tariki ya Kane Werurwe kugeza ku ya 17 Mata, lisansi imaze kuzamuka ku kigero cya 47,7% mu gihe mazutu ari kuri 13,2%.

Ibicuruzwa binyuranye bikorerwa mu Rwanda birimo ikawa, icyayi, urusenda, ubuki n’ibindi, biri mu bizamurikirwa mu imurikagurisha ryo mu Bushinwa rigamije guteza imbere ibyoherezwa n'ibitumizwa mu mahanga [Canton Fair], bikazamurikirwa abaguzi b'Abashinwa n'abandi baturutse hirya no hino ku Isi.

Minisitiri w’Ubucuruzi n’Inganda, Sebahizi Prudence, aherutse kugirana ikiganiro na IGIHE ubwo yari i Yaoundé muri Cameroun yitabiriye Inama y’Abaminisitiri b’ibihugu bigize Umuryango Mpuzamahanga w’Ubucuruzi, WTO.

Ibiciro by’ibicanwa mu Rwanda bikomeje kuzamuka. Ibyo bihera kuri Gaz, inkwi, n’amakara. Izi mpinduka zijyanye n’umuvuduko w’ibiciro ku masoko w’ibintu bitandukanye bitewe n’ingaruka z’intambara ihanganishije Iran na Amerika hamwe na Israel.

Hanlink Motors Rwanda yafatanyije na I&M Bank (Rwanda) Plc mu korohereza abashoramari badafite amikoro ahagije kubona imodoka zitandukanye ku nguzanyo.

Ikigo cy'Igihugu gishinzwe guteza imbere iyoherezwa mu mahanga ry'ibikomoka ku buhinzi n'ubworozi (NAEB), ku bufatanye n’ibigo byohereza mu mahanga ibikomoka ku buhinzi, byitabiriye imurikagurisha ryabyo riri kubera i Londres mu Bwongereza.

Ikigo gitanga serivisi zo gutunganya no kubika ibicuruzwa bikenera ubukonje bwihariye, Cold Solutions Rwanda, cyatangaje ko cyafunguye inzu itangirwamo izo serivisi iri ku buso bwa meterokare 1.400, izakurikirwa no gufungura igice cya kabiri cyayo mu mwaka utaha.

Inama y’Umuryango Mpuzamahanga mu by’Ubucuruzi, WTO, yari iri kubera i Yaoundé muri Cameroun, yarangiye mu rukerera rwo ku wa Mbere nyuma y’ibiganiro byamaze amasaha menshi, bigeza aho bamwe mu bari bahagarariye ibihugu bataha, amasaha agera kumvikana byananiranye ku mavugurura akwiriye gukorwa, ahanini ku ngingo ikomeye yo gushyiraho cyangwa gukuraho burundu imisoro ku bucuruzi bukorerwa kuri internet.

Umuyobozi Mukuru w’Ikigo giteza imbere ubuhinzi bw’ikawa, COOPAC Ltd, Clarisse Nzungize, yasobanuye ko uko bagiye batera imbere ari na ko bahanze imirimo ku bantu b’ingeri zitandukanye, aho ubu bamaze guha akazi abarenga 5300, abandi borozwa amatungo magufi.

Abaturage bo mu Karere ka Nyamagabe ndetse n’impunzi zibarizwa mu Nkambi ya Kigeme, barishimira isoko mpuzamahanga ry’amatungo rya Ryarubondo ryavuguruwe kuri miliyoni 426 Frw rikaba risigaye rigurishirizwamo amatungo arenga 2000 ku munsi.

Imurikagurisha mpuzamahanga ry’ibikomoka ku buhinzi n’ubworozi rizwi nka ‘Salon International de l’Agriculture: SIA ’ ribera buri mwaka i Paris mu Bufaransa, u Rwanda rwitabiriye ku nshuro ya gatanu ryasojwe.

Ikigo Rwanda Fertilizer Company Ltd (RFC) gifite Uruganda rukora rukanatunganya ifumbire mvaruganda, cyahembye abacuruzi b’inyongeramusaruro n’abahinzi bahize abandi.

Abagore bo mu Karere ka Rubavu bakomeje gutera imbere mu bworozi bw’amafi, aho abayagurishaka na bo biyemeje kuyorora bijyanye n’ubwiyongere bw’abayakeneye.